Jer 52 | Ndebele | STEP | UZedekhiya wayeleminyaka engamatshumi amabili lanye esiba yinkosi, wabusa iminyaka elitshumi lanye eJerusalema; lebizo likanina lalinguHamuthali, indodakazi kaJeremiya weLibhina.

1 UZedekhiya wayeleminyaka engamatshumi amabili lanye esiba yinkosi, ^a wabusa iminyaka elitshumi lanye eJerusalema; lebizo likanina lalinguHamuthali, indodakazi kaJeremiya weLibhina. 2 Wasesenza okubi emehlweni eNkosi, njengakho konke akwenzayo uJehoyakhimi. 3 Ngoba ngenxa yokuthukuthela kweNkosi kwenzeka eJerusalema loJuda yaze yabaphosela khatshana lobuso bayo; uZedekhiya wasevukela inkosi yeBhabhiloni.

4 Kwasekusithi ngomnyaka wesificamunwemunye wokubusa kwakhe, ^b ngenyanga yetshumi, ngolwetshumi lwenyanga, uNebhukadirezari inkosi yeBhabhiloni wafika, yena lebutho lakhe lonke, ukumelana leJerusalema; basebemisa inkamba bemelene layo, bayakhela izinqaba zokuvimbezela bemelene layo inhlangothi zonke. 5 Ngokunjalo umuzi wangena ekuvinjezelweni kwaze kwaba ngumnyaka wetshumi lanye wenkosi uZedekhiya. 6 Ngenyanga yesine, ngolwesificamunwemunye lwenyanga, lapho indlala yayiqinile phakathi komuzi, abantu belizwe kababanga lokudla. 7 Basebewufohlela umuzi; wonke amadoda empi asebaleka, ^c aphuma emzini ebusuku, ngendlela yesango, phakathi kwemiduli emibili, elisesivandeni senkosi (amaKhaladiya ayemelene lomuzi inhlangothi zonke), ahamba ngendlela yegceke.

8 Kodwa ibutho lamaKhaladiya laxotshana lenkosi, lafica uZedekhiya emagcekeni eJeriko; lebutho lakhe lonke lahlakazeka lisuka kuye. 9 Basebeyibamba inkosi, bayenyusela enkosini yeBhabhiloni eRibila elizweni leHamathi, eyakhuluma izigwebo kuyo. 10 Inkosi yeBhabhiloni yasibulala amadodana kaZedekhiya emehlweni akhe, futhi yazibulala lazo zonke iziphathamandla zakoJuda eRibila. ^d 11 Yasiphumputhekisa amehlo kaZedekhiya, yambopha ngamaketane ethusi amabili, ukuze inkosi yeBhabhiloni imuse eBhabhiloni, yamfaka entolongweni, kwaze kwaba lusuku lokufa kwakhe. ^e

12 Njalo ngenyanga yesihlanu, ^f ngolwetshumi lwenyanga ^g (lo umnyaka wawungumnyaka ^h wetshumi lesificamunwemunye wenkosi uNebhukadirezari inkosi yeBhabhiloni), ⁱ uNebuzaradani induna yabalindi, eyayimi phambi kwenkosi yeBhabhiloni, wangena eJerusalema. 13 Watshisa indlu kaJehova, lendlu yenkosi, lezindlu zonke zeJerusalema lezindlu zonke zabakhulu wazitshisa ngomlilo. 14 Lebutho lonke lamaKhaladiya, elalilenduna yabalindi, labhidliza yonke imiduli yeJerusalema inhlangothi zonke. 15 UNebuzaradani induna yabalindi wasethumba abathile kwabangabayanga babantu, ^j lensali yabantu eyayisele emzini, lalabo ababehlamukile ^k, ababehlamukele enkosini yeBhabhiloni, labaseleyo bexuku. 16 Kodwa uNebuzaradani induna yabalindi watshiya abanye kwabangabayanga belizwe ukuthi babe ngabaphathi bezivini labalimi. ^l

17 Lensika zethusi ezazisendlini yeNkosi, ^m lezisekelo, ⁿ lolwandle lwethusi olwalusendlini yeNkosi, ^o amaKhaladiya akuphahlaza, athwala lonke ithusi lakho alisa eBhabhiloni. ^p 18 Athatha izimbiza, ^{q
,} ^r lamafotsholo, ^s lezindlawu, lemiganu yokufafaza, ^t lezinkezo, ^u lazo zonke izitsha zethusi abakhonza ngazo, 19 lemiganu, lezitsha zokuthwala umlilo, ^v lemiganu yokufafaza, ^w lezimbiza, ^x lezinti zezibane, ^y lezinkezo, ^z lemiganu yomnikelo wokuthululwa; ^aa okwakuligolide golide lokwakuyisiliva siliva induna yabalindi yakuthatha. 20 Insika zombili, ulwandle olulodwa, lenkabi zethusi ezazilitshumi lambili ezazingaphansi kwezisekelo ^ab inkosi uSolomoni eyayikwenzele indlu yeNkosi; ithusi lazo zonke lezizitsha lalingelakulinganiswa ngesisindo. 21 Mayelana lezinsika, ubude bensika eyodwa babuzingalo ezilitshumi lesificaminwembili, lentambo yezingalo ezilitshumi lambili yayigombolozela, ^ac lohlonzi lwayo lwaluyiminwe emine, yayilomwolo. ^ad 22 Lesiduku esiphezu kwayo sasilithusi, lobude besiduku esisodwa babuzingalo ezinhlanu, ^ae lembule, lamapomegranati* phezu kwesiduku inhlangothi zonke; ^af konke kwakulithusi. Lensika yesibili yayilokufanana lalezi, lamapomegranati. 23 Njalo kwakulamapomegranati angamatshumi ayisificamunwemunye lesithupha eceleni; ^ag wonke amapomegranati ayelikhulu phezu kwembule inhlangothi zonke. ^ah

24 Induna yabalindi yasithatha uSeraya umpristi oyinhloko, ^ai loZefaniya umpristi owesibili, labalindi bombundu labo bobathathu. ^aj 25 Yasithatha emzini umthenwa othile owayengumphathi phezu kwamadoda empi, lamadoda ayisikhombisa kulabo ababona ubuso benkosi, ^ak atholakala emzini, lomabhalane wenduna yebutho eyayibuthela abantu belizwe emabuthweni, lamadoda angamatshumi ayisithupha abantu belizwe, ayetholakala phakathi komuzi. 26 UNebuzaradani induna yabalindi wasebathatha, wabasa enkosini yeBhabhiloni eRibila. 27 Inkosi yeBhabhiloni yasibatshaya, yababulalela eRibila elizweni leHamathi. Ngokunjalo uJuda wathunjwa esuswa elizweni lakhe.

28 Laba ngabantu uNebhukadirezari abathumbayo: Ngomnyaka wesikhombisa, amaJuda azinkulungwane ezintathu lamatshumi amabili lantathu; ^al 29 ngomnyaka wetshumi lesificaminwembili kaNebhukadirezari, kwasuka eJerusalema imiphefumulo engamakhulu ayisificaminwembili lamatshumi amathathu lambili; ^am 30 ngomnyaka wamatshumi amabili lantathu kaNebhukadirezari, uNebuzaradani induna yabalindi wathumba amaJuda, imiphefumulo engamakhulu ayisikhombisa lamatshumi amane lanhlanu; ^an yonke imiphefumulo yayizinkulungwane ezine lamakhulu ayisithupha.

31 Kwasekusithi ngomnyaka wamatshumi amathathu lesikhombisa wokuthunjwa kukaJehoyakhini inkosi yakoJuda, ^ao ngenyanga yetshumi lambili ngolwamatshumi amabili lanhlanu lwenyanga, ^ap uEvili-Merodaki inkosi yeBhabhiloni, ngomnyaka wokuqala wokubusa kwakhe, waphakamisa ikhanda likaJehoyakhini inkosi yakoJuda, ^aq wamkhupha entolongweni, 32 wasekhuluma kuhle laye, wabeka isihlalo sakhe sobukhosi phezu kwesihlalo sobukhosi samakhosi ayelaye eBhabhiloni. ^ar 33 Wasentshintsha izigqoko zokubotshwa kwakhe; njalo wadla isinkwa phambi kwayo njalonjalo insuku zonke zempilo yakhe. 34 Mayelana lesabelo sakhe, ^as isabelo esimiyo wasinikwa yinkosi yeBhabhiloni, into yosuku ngosuku lwayo, kwaze kwaba lusuku lokufa kwakhe, zonke insuku zempilo yakhe.